Hringrás á í samstarfi við nokkur fyrirtæki hér á landi, en þar af eru tvö þar sem samstarfið er náið.
Hringrás starfar náið með Vöku björgunarfélagi á sviði úreldingar bifreiða. Vaka starfrækir krókabíla sem sækja bifreiðar sem eru óökufærar, sér um niðurrif bíla og sölu varahluta úr þeim, Hringrás tekur svo við sjálfu málmflakinu og kemur málminum í endurvinnslu. Hægt er að skila bílum til niðurrifs hvort heldur sem er til Hringrásar eða til Vöku. Vaka björgunarfélag og Hringrás eru systurfélög, og eru að mestu leiti bæði í eigu sama félags.
Hringrás sér um rekstur og utanumhald á Samskilum, samtökum um skilakerfi. Samskil sjá um innheimtu skilagjalds á raf- og rafeindatækjum sem flutt eru inn til landsins, og um að greiða út skilagjald þegar tækjum er skilað inn aftur við lok líftíma. Upplýsingar um innflutning eru fengnar frá tollstjóraembættinu. Hringrás er óháður aðili gagnvart innflytjendum og sér til þess að innflutningsupplýsingar séu meðhöndlaðar sem algert trúnaðarmál.
